Google Chrome sa Filipino

September 8th, 2008 | by ka edong |

Google Chrome

Natuwa naman ako nung makita ko ang link sa Google Chrome naka-sulat sa Filipino. Nung una, akala ko yung mga pahina lang papunta sa installer ng Google Chrome ang naka-salin sa Filipino.

Pero hindi lang iyon. Pati ang mga FAQs (Frequently Asked Questions) ng Google Chrome website ay naka-salin sa Filipino.

Ngayong ginagamit ko na ang Google Chrome, ikinatutuwa ko na mayroon ding pag-salin sa luob ng Google Chrome mismo. Yung mga pagpipilian (menu) ng browser mismo ay naka-salin sa Filipino.

Ilang halimbawa ng pag-salin sa Filipino:

Bagong Tab (New Tab)
Bagong window
Bago window na incognito
Lumikha ng mga shortcut sa application
Alisin (Cut)
Kopyahin (Copy)
Ilagay (Paste)
Hanapin sa pahina
I-save ang pahina bilang …
I-print
Bumubuo
Mag-ulat ng bug o nasirang website

Bagamat mas-sanay na ako sa pag-gamit ng linguwaheng Ingles sa computer, nais ko ring masubukan ang naka-salin sa Filipino na Google. Nahirapan akong konti na maintindihan ang ibig sabihin ng ilang mga linya, pero kung pag-iisipan, makukuha rin ang ibig sabihin. :-)

Heto ang isang halimbawa na nakapagpa-kunot ng aking nuo:

Salamat para sa pagsubok ng Google Chrome!

1. Mag-click sa OK o I-save ang File sa window na lilitaw.

Wala kang nakikitang window? Mag-click dito.

2. Piliin ang Mga Pag-download mula sa menu ng Tools sa Firefox.

May lilitaw na isang window na nagpapakita ng iyong mga download.

3. Mag-double click sa produkto sa window ng Mga Pag-download.

Awtomatikong mag-i-install na ngayon ang iyong software. Kung kailangan mo ng tulong, mag-click dito.

Ang Google Chrome installer ay dapat na makukumpleto sa ilang mga segundo at awtomatikong simulan ang iyong bagong browser.